هوسات السبع

هوسات السبع

المعروف ان العرب ایحبون الشجاع او شعراء العرب یمدحون البطل و الجريء ابشعرهم . اکثر الناس ابمدینة الفلاحیه ایعرفون سلطان ابو احویچم الّي هوه ایصیر جد شیخ حنش الیابر (ابوعبدالله) ایگولون سلطان ابواحویچم وایهله سبع واتکارب اویا وگدر ایکتله ویگضي علیه وهاي السالفه انعرفت بین الناس والهسه ایسولفون بیهه

الشاعر عبدالحسین ابومرد المجيدماوي کتب هاي الهوسه ایخاطب بیهه المرحوم شیخ حنش ویذکره ابشجاعة جده سلطان :



یدک الزوره اعتناها و واگفا اصفوف او جمع

الزوره گالوا سبع بیهه وگال چاشنهو السبع

یاحنش یوم التلاگت تشهد ابهاي الربع

«هزبر للهزبر شال ایده »



بعد سنوات الشاعر جواد العتابي جاری هوسة ابو مرد ابهاي الهوسه :


تلاگت سبع من زوره وسبع من ثایة امجدم

زاد إعله السبع سلطان السبع شافه او عله سلم

الشجاعه الحنش خلاها طبع یجري ابخلایه الدم

«اومن بعده العبدالله انطاها »



ابفاتحة الشیخ ارعید ابوصعبور المجدم (رمضان 1431 ) ابمنطقة یفال – رد الشاعر عبود ابوسعید العنگودي عله الشاعر جواد العتابي الّي کان حاضر- ابهاي الهوسه :




الخبر من حشم امجدم وحضرت کل ذخر شیبان

گالوا سبع بالزوره وتحزم للسبع سلطان

تلاگو والکلام اشهود عنده وعالچتف نیشان

«ومن زود الهـزبر بچتافه »



بدر نصاري

«اتعیشون او روسکم سالمه»